കാലം.!

ടി.കെ.ഉണ്ണി

കാലത്താൽ താളം തെറ്റിയ കാറ്റിന്റെ കളി
കാളകൂടം കളഞ്ഞുപോയ കാർക്കോടകന്റെ വിളി
കാമനകളണഞ്ഞുപോയ കാമിനിയുടെ കുളി
കാഴ്ചകളകന്ന കണ്ണിന്റെകരളിന്റെ കാകളി..

മുകിലായ് മഴയായ് മാർകഴിയായ് വീണ്ടും

മലരായ് മധുവായ് മത്സരമായ് മധുരോത്സവമായി
മദമായ് മതമായ് മദിരകൾ മാത്രയായി
മധുവർണ്ണനും മന്നനും മാനത്ത് മത്തേഭരായി

വരവായ് വരാഹനും വരണമാല്യവുമായി

വനരോദനം വചനമൂല്യമായ് വിവശമായി
വൈശാഖവും വൈധവ്യമാം വൈപരീത്യമായി
വാമനനാം വൈതാളികൻ വൈതരണിയിലായി..

സാന്ത്വന സന്താപ സംവേദനങ്ങൾ

സാശ്വതമോ ശാപമോ സായൂജ്യമോ
സാകൂതമരുവുന്ന സാരമേയങ്ങളോ
സാലഭഞ്ജികകളോസാരാംശമേകുവാൻ
സാഹസമാകാതെസന്മനസ്സാകുവാൻ..
സത്യമിതെന്തൊരു വേതാളകാലം.!!!

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ജൈവവളം മാത്രം പോരേ?

സ്ത്രീസ്വത്വാന്വേഷണം മലയാളസാഹിത്യത്തിൽ