Skip to main content

അതിജീവനപാതയിലെ ജൈവകൃഷി മാതൃക


കെ. എം. സുകുമാരൻ
പ്രസിഡന്റ്‌, പെരുമ്പളം നാളികേര ഉത്പാദക ഫെഡറേഷൻ, പെരുമ്പളം, കൊച്ചി

ആലപ്പുഴ ജില്ലയുടെ വടക്ക്‌ കോട്ടയം  - എറണാകുളം ജില്ലകളുടെ സംഗമസ്ഥാനത്ത്‌ സ്ഥിതിചെയ്യുന്ന പെരുമ്പളംദ്വീപ്‌ നാളെ കേരള സമൂഹത്തിന്‌ ചൂണ്ടിക്കാണിക്കുവാൻ ഒരു മാതൃകയാവുകയാണ്‌.
പെരുമ്പളത്തിന്റെ കാർഷിക മേഖലയിൽ ഏറ്റവും വലിയ നവോത്ഥാനത്തിന്‌ തുടക്കമിട്ട പെരുമ്പളം നാളികേരോത്പാദക സംഘം കാർഷിക മേഖലയിൽ പുത്തൻ ഉണർവ്വേകി കാലോചിതമായ മറ്റൊരു ചുവടുവയ്പിന്‌ ഒരുങ്ങുകയാണ്‌. ദ്വീപ്‌ ഗ്രാമമായ പെരുമ്പളം പഞ്ചായത്തിനെ ഒരു സമ്പൂർണ്ണ ജൈവപച്ചക്കറി ഗ്രാമമായി മാറ്റിയെടുക്കുകയെന്നതാണ്‌ ഫെഡറേഷൻ ലക്ഷ്യമിടുന്നത്‌. തെങ്ങിന്‌ ഇടവിളയായി പച്ചക്കറി, വാഴ, മറ്റ്‌ കിഴങ്ങ്‌ വർഗ്ഗങ്ങൾ, എന്നിവ കൃഷി ചെയ്യിക്കുകയും പൂർണ്ണമായും ജൈവരീതിയിൽ ഉത്പാദിപ്പിക്കുന്ന ഈ ഭക്ഷ്യവസ്തുക്കൾക്ക്‌ പ്രത്യേക വിപണിയുണ്ടാക്കുകയും അതോടൊപ്പം ഇതിലൂടെ നാളികേരത്തിന്റെ ഉത്പാദനം പതിൻമടങ്ങ്‌ വർദ്ധിപ്പിക്കുകയും ചെയ്യുക എന്നതാണ്‌ ഫെഡറേഷൻ ലക്ഷ്യമിടുന്നത്‌. ഇതോടൊപ്പം ജൈവരീതിയിൽ ആകർഷകങ്ങളായ പ്രദർശന തോട്ടങ്ങൾ നിർമ്മിച്ച്‌ അനുബന്ധ സൗകര്യങ്ങളൊരുക്കി ഫാം ടൂറിസത്തിന്റെ സാദ്ധ്യതകളും ഫെഡറേഷൻ മുന്നിൽ കാണുന്നുണ്ട്‌.
പെരുമ്പളം നാളികേരോത്പാദക ഫെഡറേഷൻ പ്രസിഡന്റ്‌ ആയ ലേഖകൻ നേതൃത്വം നൽകുന്ന ഈ തീവ്രയജ്ഞ പരിപാടിയിൽ കൈത്താങ്ങായി പെരുമ്പളം കൃഷി ഭവൻ, അരൂക്കുറ്റി ആസ്ഥാനമായി പ്രവർത്തിക്കുന്ന പീകേ ഇൻസ്റ്റിറ്റിയൂട്ട്‌ ഓഫ്‌ ക്ലൈമറ്റ്‌ റിസീലിയന്റ്‌ അഗ്രികൾച്ചർ എന്നിവരും പങ്കാളികളാകുന്നു.
ഇക്കഴിഞ്ഞ ചിങ്ങം ഒന്നാം തീയതി പെരുമ്പളം നാളികേര ഉത്പാദക സംഘം നടത്തിയ കർഷക ദിനാഘോഷങ്ങളുടെ ഭാഗമായി 17 സി.പി.എസ്സുകളിലേയും 17 തിരഞ്ഞെടുത്ത കർഷകരെ ആദരിക്കുന്ന ചടങ്ങിലാണ്‌ ഈ പദ്ധതിയുടെ 1-​‍ാം ഘട്ടം തുടങ്ങിയത്‌. അത്യുത്പാദനശേഷിയുള്ള വിവിധഇനം 12000 -ത്തോളം ആരോഗ്യമുള്ള മുളപ്പിച്ച പച്ചക്കറി തൈകളാണ്‌ 17 സി.പി.എസ്സുകളിൽ നിന്നും തിരഞ്ഞെടുത്ത 200 കർഷകർക്കായി അന്ന്‌ വിതരണം നടത്തിയത്‌. അതിജീവനത്തിന്റെ ആവശ്യകത തിരിച്ചറിഞ്ഞ ദ്വീപ്‌ നിവാസികൾ ഈ സംരംഭത്തെ അത്യാവേശത്തോടെയാണ്‌ സ്വീകരിച്ചതു.
പ്രതികൂല കാലാവസ്ഥയിലും ഈ സംരംഭം ഒരു വെല്ലുവിളിയായി ഏറ്റെടുത്തു നടത്തുന്നതിന്‌ മുന്നിട്ടിറങ്ങിയത്‌ പെരുമ്പളം ഫെഡറേഷൻ സെക്രട്ടറിയും മികച്ച ജൈവകർഷകനുമായ ശ്രീകുമാർ കൂപ്പുള്ളിയുടെ നേതൃത്വമാണ്‌. സ്വന്തമായി മഴമറകൾ നിർമ്മിക്കുകയും പോട്‌ ട്രേകളിൽ അത്യുത്പാദന ശേഷിയുള്ള തൈകൾ മുളപ്പിച്ച്‌ നൽകുകയും ചെയ്യുന്നതിലൂടെ ഈ രംഗത്തേക്ക്‌ കൂടുതൽ ആളുകളെ ആകർഷിക്കുവാൻ കഴിയുന്നതായി ശ്രീകുമാർ കൂപ്പിള്ളിൽ ചൂണ്ടിക്കാട്ടി. ആദ്യഘട്ടം വിജയകരമായി പൂർത്തിയാകുന്ന വേളയിൽ പദ്ധതിയുടെ രണ്ടാംഘട്ടത്തിലേയ്ക്ക്‌ അംഗങ്ങളാകാൻ ധാരാളം കർഷകർ തയ്യാറായി വന്നു കൊണ്ടിരിക്കുകയാണ്‌. രണ്ടാംഘട്ടത്തിൽ 17 സി.പി.എസുകളിൽ നിന്നു ഏകദേശം 25 - 30 കർഷകരെയാണ്‌ ഫെഡറേഷൻ ലക്ഷ്യമിടുന്നത്‌. ഇതിനോടനുബന്ധമായി ജൈവ ഉൽപന്നങ്ങൾ മാത്രം സംഭരിക്കുകയും വിപണനം നടത്തുകയും ചെയ്യുന്ന എറണാകുളം ആസ്ഥാനമായുള്ള നൈബർ ഹുഡ്‌ സൊല്യൂഷൻസ്‌ എന്ന സ്ഥാപനത്തിന്റെ ഒരു ശാഖ പെരുമ്പളം മാർക്കറ്റിനോട്‌ ചേർന്ന്‌ പ്രവർത്തനം ആരംഭിച്ചു കഴിഞ്ഞു.
അതുപോലെ തന്നെ കൃഷി ആഫീസർ ശ്രീമതി. ഇ. വി. ലതയുടെ ആത്മാർത്ഥമായ പ്രവർത്തനങ്ങളും എടുത്തുപറയേണ്ടതായുണ്ട്‌. ജൈവകൃഷിയെന്നാൽ പരമ്പരാഗത മാർഗ്ഗങ്ങളായ പുകയില, വേപ്പെണ്ണ, സോപ്പ്‌, വെളുത്തുള്ളി എന്നിവ മാത്രമല്ലെന്നും, ഡ്യൂഡോമോണോസ്‌, വെർട്ടിസീലിയ, ബിവേറിയ, ഫിറമോൺ കെണി തുടങ്ങിയ നൂതന ജൈവ മാർഗ്ഗങ്ങൾക്ക്‌ മറ്റ്‌ മാരക കീടനാശിനികളെ വെല്ലാൻ കഴിയുമെന്നും കർഷകരെ ഉപയോഗത്തിലൂടെ ബോദ്ധ്യപ്പെടുത്താൻ ശ്രീമതി. ലതയുടെ പ്രവർത്തനത്തിലൂടെ സാധിച്ചിട്ടുണ്ട്‌.
വനിതകൾക്കുമാത്രമായി ഒരു അടുക്കളത്തോട്ടം പരിപാടിയും തുടങ്ങിക്കഴിഞ്ഞു. പെരുമ്പളം ഫെഡറേഷൻ നാളികേര ബോർഡിൽ രജിസ്റ്റർ ചെയ്തിട്ടുള്ള 17 സി.പി.എസ്സുകളിലെ കർഷകരെ അണിനിരത്തി പുതിയ കാർഷിക വിപ്ലവത്തിന്‌ നാന്ദി കുറിച്ചിരിക്കുകയാണ്‌. എന്തായാലും, ദ്വീപ്‌ നിവാസികൾ ആശ്വാസത്തിലാണ്‌. കാർഷികവും ഇതരങ്ങളുമായ മേഖലകളിൽ എന്നും ഒരു കൈത്താങ്ങായി പെരുമ്പളം നാളികേര ഉത്പാദക ഫെഡറേഷൻ ഉണ്ടാവുമെന്നതിനാൽ.
ഫോൺ: 9446122740

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…