Skip to main content

നീര - കേരകർഷകന്റെ രക്ഷക്ക്‌



പി. പ്രദീപ്കുമാർ
ചെയർമാൻ, കോഴിക്കോട്‌ നാളികേര ഉത്പാദക കമ്പനി

കേരളത്തിലെ നാളികേര കർഷകർ കഴിഞ്ഞ കുറെ വർഷങ്ങളായി അനുഭവിച്ചുകൊണ്ടിരുന്ന ദുരിതങ്ങളിൽ നിന്നും പ്രതിസന്ധികളിൽ നിന്നും സാവധാനത്തിലെങ്കിലും മോചിക്കപ്പെടുകയാണ്‌. ഒരു കാലത്ത്‌ തെങ്ങിന്റെയും നാളികേരത്തിന്റെയും മുറ്റത്ത്‌ കൂട്ടിയിട്ട വയ്ക്കോൽ കൂനയുടെയുമൊക്കെ കണക്കിൽ അഭിമാനിച്ചിരുന്ന കേരളത്തിലെ കർഷകൻ എല്ലാം നഷ്ടപ്പെട്ടവനായി ദുരിതക്കയത്തിൽ മുങ്ങി മറിയുന്ന ഒരവസ്ഥയാണ്‌ കഴിഞ്ഞ കുറച്ചു കാലമായി നാം കാണുന്നത്‌. കർഷകന്റെ തകർച്ച നാടിന്റെ സാമ്പത്തിക സ്ഥിതിയെ മാത്രമല്ല ബാധിച്ചിരുന്നത്‌. മറ്റെല്ലാ മേഖലകളിലും അതിന്റെ സ്വാധീനം കാണുന്നുണ്ട്‌.
ഭക്ഷണ സാധനങ്ങൾക്കായി നെടുവീർപ്പോടെ മറ്റു സംസ്ഥാനങ്ങളെ ആശ്രയിക്കുന്ന ദു:ഖിതനും, നിരാശനുമായ മലയാളിയുടെ ചിത്രം നമ്മുടെ  മനസ്സിൽ നിന്ന്‌ മായാൻ സമയമായിട്ടില്ല. ആയിരം തേങ്ങക്ക്‌ ഒരു പവൻ സ്വർണ്ണമെന്ന ഒരു വില നിലവാരം നാട്ടിലുണ്ടായിരുന്നത്‌ തകർന്ന്‌ പതിനായിരം തേങ്ങക്ക്‌ പോലും ഒരു പവൻ ലഭിക്കാത്ത അവസ്ഥ നാം കാണുന്നു.  ഇതൊക്കെ കൊണ്ടു കൂടിയാണ്‌ പുതിയ തലമുറ കാർഷിക രംഗത്തുനിന്ന്‌ വിട്ടകന്നതും  മറ്റു മേഖലകൾ തേടിപ്പോയതും വൻകിടക്കാരുടെ  ചൂഷണങ്ങൾക്ക്‌ വിധേയമാവേണ്ടി വന്നതും.         അങ്ങനെ എല്ലാം നഷ്ടപ്പെട്ടവനായി നിൽക്കുന്ന നാളികേരകർഷകന്റെ മുന്നിലേക്കാണ്‌ നീരയെന്ന ശബ്ദം വന്നുപെട്ടത്‌. തെങ്ങിൽ നിന്ന്‌ തേങ്ങ മാത്രമാണ്‌ ജീവിക്കാനുള്ള വരുമാനമായി കിട്ടുക എന്നതായിരുന്നു കേരകർഷകന്റെ ധാരണ. അതുതന്നെ കൊപ്രയാക്കി ആരൊക്കെയോ സ്വന്തം കാര്യങ്ങൾക്കു വേണ്ടി തീരുമാനിച്ചുണ്ടാക്കുന്ന വിലയ്ക്ക്‌ വിൽക്കേണ്ടിയും വന്നു. ഞാനിതൊക്കെ അനുഭവിക്കേണ്ടവനാണ്‌ എന്ന ധാരണയാൽ കർഷകൻ അത്‌ സഹിച്ചു ജീവിക്കുകയായിരുന്നു. അപ്പോഴാണ്‌ തെങ്ങിൽ നിന്ന്‌ നാളികേരം മാത്രമല്ല ജീവിതം ഏറ്റവും സുന്ദരമായ രീതിയിലേക്ക്‌ ഉയർത്താനുതകുന്ന രീതിയിൽ സാമ്പത്തിക ഭദ്രത നേടിത്തരുന്ന പലതും കിട്ടാനുണ്ടെന്ന അറിവ്‌ നാളികേര കർഷകന്‌ ലഭിക്കുന്നത്‌. അവിടെ നിന്നാണ്‌ കർഷകൻ മൂല്യ വർദ്ധിത വസ്തുക്കളെ തിരിച്ചറിഞ്ഞു തുടങ്ങുന്നത്‌. തേങ്ങയിൽ നിന്ന്‌ വലിയ സാമ്പത്തിക നേട്ടം കിട്ടുന്ന വസ്തുക്കൾ ഉണ്ടാക്കാമെന്നു മാത്രമല്ല തെങ്ങിന്റെ എല്ലാ ഭാഗങ്ങളും അതുപോലെ ഉപയോഗിക്കാമെന്ന്‌ മനസ്സിലാക്കുകയും ചെയ്ത കർഷകൻ അതിനെപ്പറ്റി അറിയാൻ തിടുക്കം കാട്ടുന്നതാണ്‌ നാം കണ്ടത്‌.
നാളികേര വികസന ബോർഡ്‌ മുന്നോട്ടു വെച്ച എല്ലാ ആശയങ്ങളും നിർദ്ദേശങ്ങളും രക്ഷപ്പെടാനുള്ള അവസാനത്തെ കച്ചിത്തുരുമ്പ്‌ എന്ന നിലയിൽ കേരളത്തിലെ നാളികേര കർഷകൻ ചാടിപ്പിടിക്കുകയും തന്റെ സ്വന്തമാക്കി മാറ്റുകയും ചെയ്ത അത്യത്ഭുതമായ കാഴ്ചകൾ കേരളം കണ്ടു കൊണ്ടിരിക്കുകയാണ്‌. ഇക്കാര്യത്തിൽ നാളികേര വികസന ബോർഡിനെയും അതിന്റെ അമരക്കാരനായ ജോസ്‌ സാറിനേയും അഭിനന്ദിക്കാതെ വയ്യ. കേര കർഷക സമൂഹം അത്‌ കടപ്പാടോടെ ഓർക്കുക തന്നെ ചെയ്യും.
ഇന്ന്‌ കേരളത്തിൽ നീര ഉത്പാദനം ആരംഭിച്ചിരിക്കുകയാണ്‌. ഇതൊന്നും നടക്കില്ല എന്ന്‌ വളരെ സംശയത്തോടെ നോക്കിയിരുന്ന കർഷകർ പോലും മെല്ലെ മെല്ലെ മുഖ്യ ധാരയിലേക്ക്‌ വന്നു കൊണ്ടിരിക്കുകയാണ്‌. കേരളത്തിലെ നാളികേര ഉത്പാദക സംഘങ്ങളും സംഘങ്ങൾ ചേർന്നുണ്ടായ ഫെഡറേഷനുകളും ഫെഡറേഷനുകൾ ചേർന്ന്‌ രൂപം കൊടുത്ത കമ്പനികളും നീര ഉത്പാദനത്തിന്‌ ഒറ്റക്കെട്ടായി ഇറങ്ങിയ കാഴ്ച വളരെ സന്തോഷകരം തന്നെയാണ്‌. നീര ഉത്പാദനത്തിന്‌ തെങ്ങുകൾ കൊടുക്കാൻ കർഷകർ വളരെ സന്നദ്ധനായിരിക്കുകയാണ്‌.
എക്സൈസ്‌ വകുപ്പ്‌ തെങ്ങിന്റെ എണ്ണം പരിമിതപ്പെടുത്തിയതിൽ കർഷകർ ദു:ഖിതരും രോഷാകുലരുമാണ്‌. വരും കാലങ്ങളിൽ കൂടുതൽ തെങ്ങിൽ നിന്ന്‌ നീരയുത്പാദിപ്പിക്കാൻ കഴിയും എന്ന പ്രതീക്ഷയിലാണ്‌ കേരകർഷകൻ. കമ്പനികൾ സജീവമായി നീര ഉത്പാദനം തുടങ്ങി വിപണനം ആരംഭിക്കുന്നതോടെ കേരളത്തിലെ നാളികേര മേഖലയിൽ വലിയ മാറ്റം തന്നെ ഉണ്ടാകും. എഴുതി തള്ളപ്പെട്ടവനാണ്‌ താനെന്ന കർഷകന്റെ ചിന്ത മാറുകയാണ്‌. സമൂഹത്തിലെ പ്രമാണിയായി കർഷകൻ പ്രത്യേകിച്ച്‌ കേരകർഷകൻ തിരിച്ചു വരുന്നകാലം വിദൂരതയിലല്ല. നീര കേര കർഷകന്റെ രക്ഷക്കുള്ള ശബ്ദമായി മാറുകയാണ്‌.

Popular posts from this blog

തെങ്ങിൻ തൈ നടാൻ കാലമായി; 50 വർഷത്തെ മുന്നിൽ കണ്ട്‌...

ആർ. ജ്ഞാനദേവൻ
ഡെപ്യൂട്ടി ഡയറക്ടർ, നാളികേര വികസന ബോർഡ്‌, കൊച്ചി - 11

ചുരുങ്ങിയത്‌ 50 വർഷത്തെയെങ്കിലും വിളവ്‌ പ്രതീക്ഷിച്ച്‌ വേണം  ഇനി തെങ്ങുകൾ നടാൻ. കൂടുതൽ ഉത്പാദനം നൽകുന്ന മികച്ച ഗുണമേന്മ തെങ്ങിൻ തൈകൾ മാത്രം തെരഞ്ഞെടുത്ത്‌ നടണം. എങ്കിൽ മാത്രമെ അത്‌ രണ്ടു മൂന്നു വർഷങ്ങൾക്കുള്ളിൽ ആദായം നൽകുകയുള്ളു. തെങ്ങുകൾ നേരത്തെ  കായ്ച്ചു തുടങ്ങിയാലെ കർഷകന്‌ അതുകൊണ്ട്‌ സാമ്പത്തിക നേട്ടം ഉണ്ടാവുകയുള്ളു.

വേനൽ മഴ യഥാസമയം എത്തിയതിനാൽ തെങ്ങിൻ തൈ വയ്ക്കാൻ പറ്റിയ സമയമാണിത്‌. ഈ സമയത്ത്‌ ഗുണമേ?യുള്ള തെങ്ങിൻ തൈകൾ വാങ്ങി നട്ടാൽ മഴക്കാലത്തോടെ തൈകൾ വേരു പിടിക്കുകയും വെയ്ക്കുന്ന എല്ലാ തൈകളും പിടിച്ചു കിട്ടുകയും ചെയ്യും. തേങ്ങയ്ക്ക്‌ ഒരു കാലത്തും ലഭിക്കാതിരുന്ന ഏറ്റവും ഉയർന്ന വില ലഭിക്കുന്നതിനാൽ തെങ്ങിൻ തൈ വെച്ചുപിടിപ്പിക്കാൻ പൊതുവേ ജനങ്ങൾ താൽപര്യം കാണിക്കുന്ന കാലമാണിത്‌. എന്നാൽ ഏത്‌ ഇനം തൈ വയ്ക്കണം, ഗുണമേ?യുള്ള തൈ എവിടെ കിട്ടും, എത്രയും പെട്ടെന്ന്‌ കായ്ക്കുന്ന തൈ നടണം, ഉയരം കുറഞ്ഞ ഇനമായിരിക്കണം, ഇവതൊക്കെയാണ്‌ തെങ്ങിൻ തൈ നടാനായി ഉദ്ദേശിക്കുമ്പോൾ കർഷകരുടെ മനസ്സിലെ ചിന്തകൾ.  നടുന്ന തൈകൾ തോട്ടത്തിൽ പ്രക…

ജൈവവളം മാത്രം പോരേ?

ആർ. ജ്ഞാനദേവൻ
അസി. ഡയറക്ടർ (ഡെപ്യൂട്ടേഷനിൽ), നാളികേര വികസന ബോർഡ്‌

കഴിഞ്ഞ 28 വർഷമായി ഈ ലേഖകൻ പങ്കെടുത്ത കാർഷിക സെമിനാറുകളിൽ കേരകർഷകർ സ്ഥിരമായി ചോദിക്കുന്ന ഒരു ചോദ്യമാണ്‌ തെങ്ങിന്‌ ജൈവവളം മാത്രം ചേർത്താൽ പോരെയെന്ന്‌. തെങ്ങിന്‌ വളം ചെയ്യുമ്പോൾ നാം ആദ്യം ഓർക്കേണ്ടത്‌ ജൈവവളപ്രയോഗം തന്നെയെന്നതിൽ സംശയമില്ല. കാരണം ഇന്ന്‌ നമ്മുടെ ഭൂരിഭാഗം തെങ്ങിൻ തടങ്ങളിലും വർഷം തോറും വേണ്ടത്ര ജൈവവളം ചേർത്ത്‌ കൊടുക്കാത്തതിനാൽ ഫലഭൂയിഷ്ഠത നഷ്ടപ്പെട്ടുകൊണ്ടിരിക്കുകയാണ്‌. വേണ്ടത്ര ജൈവാംശം ചേർത്ത്‌ തെങ്ങിൻ തടത്തിലെ മണ്ണിന്റെ ആരോഗ്യം വീണ്ടെടുക്കുകയാണ്‌ നാം ആദ്യം ചെയ്യേണ്ടത്‌. രാസവളം ശുപാർശ ചെയ്ത അളവിൽ നൽകിയാലും തെങ്ങിൻ തടത്തിൽ വേണ്ടത്ര ജൈവാംശം ഇല്ലെങ്കിൽ അതുകൊണ്ടുള്ള ഗുണം തെങ്ങിന്‌ ലഭിക്കില്ല എന്നതാണ്‌ വാസ്തവം. ഉദാഹരണമായി യൂറിയ എന്ന രാസവളം തെങ്ങിൻ തടത്തിൽ വിതറിയാൽ തടത്തിലെ മണ്ണിൽ ജൈവാംശം ഉണ്ടെങ്കിൽ മാത്രമേ ഈ വളത്തിലെ പോഷകങ്ങൾ തെങ്ങിന്‌ വലിച്ചെടുക്കാൻ സാധിക്കുകയുള്ളൂ. അതായത്‌ ഈ വളത്തിൽ അടങ്ങിയിരിക്കുന്ന പാക്യജനകത്തെ വലിച്ചെടുക്കാൻ പാകത്തിലാക്കുന്ന രാസപ്രവർത്തനത്തെ സഹായിക്കുന്ന ചില എൻസൈമുകൾ പുറപ്പെടുവിക്ക…

കാർട്ടൂൺ കവിതകൾ

ജി.ഹരിനീലഗിരി

1) അയ്യപ്പൻ
അയ്യപ്പന്റമ്മ നെയ്യപ്പം ചുട്ടു.
കാക്കകൊത്തി കടലിലിട്ടീല.
മുക്കുവപ്പിള്ളേരു മുങ്ങിയെടുത്തീല.
തട്ടാപ്പിള്ളേരു തട്ടിപ്പറിച്ചീല.
വാണിയപ്പിള്ളേരു വായിലുമിട്ടീല.
അയ്യപ്പൻ തന്നെ നെയ്യപ്പം തിന്നു!
2) നിരൂപഹയൻ
മണ്ഡൂകം കൂപത്തിൽ നിന്നിറങ്ങി.
കൂപത്തിനാശ്വാസമായി.
മണ്ഡൂകത്തിനും.
ഇരുവർക്കുമിവ്വിധമാശ്വാസമാകീടിലും
മണ്ഡൂകം മണ്ഡൂകമല്ലാതായീടുമോ?!
കൂപം കൂപവും?!
സർ?
3) കല്യാണരാമൻ
കല്യാണരാമൻ ജമീലയോടു പറഞ്ഞു;
ആഴ്ചപ്പതിപ്പിലോട്ടു കയറിക്കിടക്കെടീ,
ഞാൻ നിന്നെ ഒന്നു ...........!
4) ഫെമിനിഷം
ഇതെൻ വക്ഷോജങ്ങൾ.
ഇതെൻ യോനി.
ഇതെൻ ജഘനങ്ങൾ.
ഇതെൻ കാർക്കൂന്തൽ.
ഇതെല്ലാ-
മെല്ലാ മെല്ലാ-
മെന്റേതെന്റേതെന്റേതു മാത്രം!
5) 40+
പ്രണയമേ,
എന്റെ വഴികളിൽ
എന്നും നീയുണ്ടായിരുന്നു..
7ലും,
17ലും,
37ലും.
ഇപ്പോൾ
40+ ന്റെ നരപ്പിലും.
കന്യകയുടെ നെഞ്ചിലെ പ്രാവിൻകൂടുപോൽ
എന്നുള്ളിലെഫ്ഫെം സംഗീതമായ്‌
പ്രണയമേ,
നീ കിടന്നു
പിട പിടിയ്ക്കുകയാണ്‌...
6)ചുള്ളൻ
വയലാർ കവിയല്ലെന്നു
(പണ്ടൊരിക്കൽ)
ഗുണ്ടൊരെണ്ണം പൊട്ടിച്ചൂ.
ചുള്ളിയും കാടുമെല്ലാം പോയ്‌
ഗൗതമസുധാംശുവായ്ത്തീർന്നു! 7) A.M എന്റെ റേഡിയോ.
പൊന്നു റേഡിയോ.
എന്റെ കൗമാരദിനങ്ങളെ
പാടിയുണർ…