കിളിച്ചൊല്ലൽ

ഹരിദാസ് വളമംഗലം


കിളിച്ചൊല്ലൽ -1
ഹരിദാസ്‌ വളമംഗലം
വഴിയിൽ നിന്നൊരു
കിളിച്ചൊല്ലു പറന്നുപോയ്‌
ഒരു തൂവൽപോലുമനക്കാതെ
അതുമൊരുവഴിയതിൻദിക്കേത്കാലവും
മഴയിലിടവഴിയിൽ കലങ്ങി

കിളിച്ചൊല്ലൽ- 2

പഴയ തെച്ചിപ്പൂചുവന്നകുളക്കര
കറുകപടർന്ന പച്ചച്ചതീരം
നിറമേഴുമേഴായിരംനിഴലുമുണ്ടവിടെയും
അറിവ്‌ കിളിച്ചൊല്ലലല്ലോ.

ഇല, ചരിത്രം... /കവിത

ഹരിദാസ് വളമംഗലം

ഇലഇല ഒരു ഹൃദയം
പക്ഷിപോലെ പറക്കുന്നത്‌
പകൽപോലെ വിസ്മയിക്കുന്നത്‌
അലിവുപോൽ തൊടുന്നത്‌
ആകാശംവായിക്കുന്നത്‌
ആഴിയിലേക്കു വേരുള്ളത്‌
ആദിയുടെ പതാകയായത്‌

നിനക്ക്‌
നിനക്ക്‌ തീയുടെ ഹൃദയം
അത്‌ നിറഞ്ഞ സ്നേഹമായ്‌
പടരുന്നെപ്പൊഴും
നിനക്കകത്തൊരു സരോവരം
അത്‌ വിശുദ്ധപാപമായ്‌
തിളയ്ക്കുന്നെപ്പൊഴും

ആരുടെ
ഇലകളുടെ സാന്ദ്രഹരിതം
നേത്രമാരുടെ
മലകളിൽ കാടുപൂക്കും
ശീർഷമാരുടെ
അലയിളകിയും കോളുകൊണ്ടും
ശമത്തിന്റെ ലയമാഴമാണ്ടും
പരക്കുന്ന കടലിന്റെ
അറിവാരുടേത്‌.


ചരിത്രം
ഹരിദാസ്‌ വളമംഗലം
ചരിത്രത്തിന്റെ ചവിട്ടേറ്റ്‌
പുൽമേടു ചതഞ്ഞു
പുഴുക്കളും പുൽച്ചാടികളും ചതഞ്ഞു
ദൈവത്തിന്റെ തലചതഞ്ഞു
കറന്റടിച്ച്‌ കാക്കചത്തു
വിഷംതീണ്ടി ഞാഞ്ഞൂലുചത്തു
വായ്ത്താരികളുടെ ഇലകൊഴിഞ്ഞു

ത്രിത്വം

ഹരിദാസ്‌ വളമംഗലം 1. മൗനത്തിന്റെ തരംഗമറ്റ സഹജാ- നന്ദാവബോധാംബുധീ- സ്ഥാനം പൂണ്ടുവിളഞ്ഞവാടിവിടരും ഗീതാഞ്ജലീ തല്ലജം നൂനം നാദരസാമൃതം നിറയുമോ- ങ്കാരാദിമന്ത്രാത്മകം ധ്യാനത്തിന്റെ സഹസ്രനാമനളിനം പൂത്തുള്ള പത്മാകാരം. 2. വ്യോമം ശ്യാമവിമോചനം തിരുമുടി- പ്പൂവാം സുധാലേഖയും കാമം ചുട്ടൊരു നെറ്റികത്തുമനല- ക്കണ്ണാകുമാദിത്യനും ശ്രീമദ്ഭൂതിയണിഞ്ഞ ഗാത്രമഴകാ- ളുന്നോരഹസ്സും ശിവം പ്രേമത്താലുമയെന്ന പോലെയകമേ- യോരുന്നു രൂപം പരം. 3. സത്യത്തിന്റെയഖണ്ഡ ദർശനസുഖം നൽകുന്ന തത്വാർത്ഥവും നിത്യം ഭാസുര ഭാവകോടിയുണരും ചിദ്രൂപസൗന്ദര്യവും അത്യന്ത്യം രസമാർന്നു വാക്കിലനിശം ചേരട്ടെ തേജോമയം നിത്യം കാവ്യമയൂഖ തീർത്ഥമഴലിൻ തീരങ്ങൾ പുൽകട്ടെ മേൽ. Click here to Reply or Forward 1.01 GB (6%) of 15 GB used Manage ©2014 Google - Terms & Privacy Last account activity: 1 day ago Details

ഒരു പൂവു വിടരുന്നു

ഹരിദാസ്‌ വളമംഗലം

ഒരു പൂവ്‌ വിടരുന്നു വിടരുന്നു വിടരുന്നു
ഇരുൾതോറും വിടരാനുള്ളറിവിന്റെ തിരുവുള്ളം
തുടികൊട്ടി തുടികൊട്ടി തുടികൊട്ടിപ്പാടുന്നു
അടിവേരിൽ നിന്നൊരു തുടുമിന്നലുണരുന്നു
ഉടലാകെപ്പടരുന്നു ഉയിരാകെ നിറയുന്നു.
പുലരിപ്പൂവിടരുന്നു പവിഴക്കതിരുണരുന്നു
കിളിയൊച്ചക്കറുമൊഴികളുണരുന്നു വിടരുന്നു
പുതുതെന്നൽ, കരളല്ലിക്കുടിൽതോറും മണികെട്ടി-
ക്കുഴലൂതിക്കളിയാടിക്കളിയാടി നടക്കുന്നു
ഒരു സ്വപ്നം കടലാകെ,ക്കരയാകെയിരമ്പുന്നു
ഒരു സ്നേഹം കൈനീട്ടി കൈനീട്ടിപ്പടരുന്നു
ഒരു സൂര്യൻ വിടരുന്നു അനുരാഗം വളരുന്നു
ഒരു പൂവ്‌ വിടരുന്നു വിടരുന്നു വിടരുന്നു.

പാദമൂലങ്ങളിലെ പൊരുള്‌

ഹരിദാസ്‌ വളമംഗലം

ഋതുമഞ്ജരിപ്പുടവയമൃതോലുമധരപുടം
അതിലോലമിന്ദുകല ചൂടുന്ന ചികുരവും
തിരുമിഴികളർക്കചന്ദ്രൻമാരിണങ്

ങവേ
തിരുവുടൽതൊഴുന്നേൽ പരാശക്തി, ചിന്മയീ
ഹരിനീലഭംഗികൾ തിരുമാറണിയവെ
നിറുനിലാവിൻ ചാരുഹാസം പൊഴിയവെ
കുളിർകാറ്റു നിന്നെ സ്തുതിച്ചു പാടീടവെ
തിരുവുടൽ തൊഴുന്നേൻ പരാശക്തി, ചിൻമയീ
നിറയുന്നു നിൻമൊഴികളെൻ ചെവിയിൽ
നിറയുന്നു നിന്റെ മദസൗന്ദര്യമെൻ മിഴിയിൽ
അറിയുന്നു തവ പാദമൂലങ്ങളണിയുന്ന
പൊരുളരുമാഗുഢപീഠവും ദേവീ

മൂന്നു ടൈറ്റിലുകൾ

ഹരിദാസ്‌ വളമംഗലം

എന്റെ കൂട്‌

നിന്റെ ഭാഷ
ഒരക്ഷരം
നേരിന്റെ
കാഴ്ച
അധികാരത്തിന്‌
അത്‌ ഒറ്റാല്‌
ഒളിവിന്‌
ഒരൊളി
എനിക്ക്‌
ഒരു കൂട്‌

മുറ്റത്ത്‌
മുറ്റത്ത്‌
ചാമ്പച്ചുവട്ടിൽ
കൊച്ചുമോനുമായി
മണ്ണപ്പം ചുട്ടുതിന്ന്‌
പക്ഷിച്ചിറകിന്റെ
മരച്ചില്ലകൾ കണ്ട്‌
ഇലയകലങ്ങളിൽ
ആകാശം കണ്ട്‌
ചെണ്ടകൊട്ടി
കുഴലുവിളിച്ച്‌
അമിട്ടുപൊട്ടിച്ച്‌
ഉൽസവം കണ്ട്‌
കുഴിയാനകളുടെ
പിറകോട്ടുനടത്തംകണ്ട്‌

കുറ്റം
ഒരു വിചാരണ
തടവ്‌
തൂക്കേറ്റൽ
പിടിയില്ലാകുറ്റം
ഒരു ജന്മത്തിന്റെ
തുരുത്തുമാത്രമേ
പരിചയത്തിലുള്ളകലുന്നാകാശം
അപാരതയിലേക്കഴിമുഖം
തുറന്നരുളുന്ന
ഗൂഢവചനമെന്താവാം

ഒന്ന്‌, രണ്ട്‌

ഹരിദാസ്‌ വളമംഗലം

നീ
പിഴയ്ക്കുന്ന
താളങ്ങളിൽ
അനിശ്ചിതത്വങ്ങളിൽ
സുന്ദരിയായനീ
പ്രവാചകരും
പുരോഹിതരും
നിന്നെ
അപകീർത്തിപ്പെടുത്തുന്നവർ
നിന്റെ അനിർവചനീയ വ്രതം അറിയാത്തവർ
നിന്റെ മാറിലും
അരക്കെട്ടിലും
ആലപിക്കപ്പെടുന്ന
പഞ്ചരത്നകീർത്തനങ്ങൾ കേൾക്കാത്തവർ
നിന്റെ ആശ്ചര്യത്തിന്റെ ആകാശങ്ങൾ കാണാത്തവർ
വേദങ്ങളും
പള്ളിയും
കുമ്പസാരക്കൂടുകളും
പൊളിച്ചു കളയുന്നത്‌
വീണ്ടും കെട്ടുന്നത്‌
വീണ്ടും പൊളിക്കുന്നത്‌
നീ.

വരൂ
പച്ചച്ച തണലേകും
കാവിലെ മരച്ചോട്ടിൽ
ആരെന്റെയൊപ്പം വന്ന്‌
കാറ്റും കൊണ്ടിരിക്കുവാൻ
ആരതീ നിനക്കേയീ
കിളിപ്പാട്ടുകൾ കേട്ട്‌
താളമാകുവാനാകൂ
താരമാകുവാനാകൂ

പരസ്യം

ഹരിദാസ്‌ വളമംഗലം

മുക്കിലും മൂലയിലും
തെരുവുകളിലും
പത്രങ്ങളിലും 
ടിവിയിലും റേഡിയോയിലും
പരസ്യം പരസ്യം പരസ്യം
കാണുക കേൾക്കുക 
വായിച്ചു പഠിക്കുക 
നിത്യമതിൽ കണ്ണുംകാതും
കുരുക്കിതൂങ്ങിച്ചാവുക
വിലകൂടിയ തുണിയുടെകുപ്പായം
വജ്രത്തിന്റെ മാല 
മദ്യം
നക്ഷത്രമുറിയിലത്താഴം
ഇതിനൊന്നും കാശില്ലെങ്കിൽ
കളവുനടത്തുക കൊള്ളനടത്തുക
കള്ളക്കടത്തു തുടങ്ങുക 
കൂട്ടിക്കൊടുപ്പുതുടങ്ങുക 
കാണുക കേൾക്കുക വായിച്ചു പഠിക്കുക