ഓർക്കുമ്പോൾ

 സജീവ് അയ്മനം 


ഓർമ്മക ളെക്കുറിച്ചെഴുതുന്നത്‌
ഓർക്കുമ്പോൾ ത ന്നെ
ഒരോർമ്മ വന്ന്
കൈയിൽ പിടിക്കുന്നു.
ഏതെല്ലാം വഴികളിലൂടെ
പോകണം
എത്ര മുള്ളുകൾ കൊണ്ടു
മുറിയണം
വേണ്ട ..വേണ്ട
എത്ര മറന്നാലും
ഒടുവിലത്‌ നിന്റെ അടുത്തേക്ക്‌
കൊണ്ടുപോകും.!

മാജിക്‌ സ്ലേറ്റ്‌

 

സജീവ്‌ അയ്മന

വഴിയിറമ്പിൽ കാണുന്നു:
ആരും തൊടാതെ നിൽക്കുന്ന
തൊട്ടാവാടികളുടെ ഒരു പൂന്തോട്ടം
വയലറ്റുപൂക്കളുടെ ഈ കാഴ്ചയിൽ നിന്നായിരുന്നു
പുതിയ കവിത എഴുതി തുടങ്ങിയത്‌
നാളെ ആ വഴിയേ പോകുമ്പോൾ
ആ പൂക്കളെ ഒന്നുകൂടികാണണം
ഇന്ന്‌, കവിതയുടെ അവസാനത്തെ വരിയെക്കുറിച്ചാലോചിച്ച്‌
അവ നിന്നിടത്തെത്തുമ്പോൾ
കുറ്റിയിൽകിടന്ന്‌
ഒരു ആട്‌ അയവിറക്കുന്നു...
പിന്നെ ആലോചിച്ചതേയില്ല
ആട്‌ എഴുതികഴിഞ്ഞല്ലോ!
അവസാനത്തെ വരി.