നായ

സത്താർ ആദൂർ

കൂറുള്ളവനാണ്‌
കൂടെ നടക്കും
കൂട്ടിനിരിക്കും
കാവൽകിടക്കും
വാലാട്ടും...

എന്നാൽ
നായിന്റെ മോൻ.
അങ്ങനെയല്ല;

വെറുതെ
കുരക്കുക മാത്രം ചെയ്യും .

കാക്കാപുള്ളി

സത്താർ ആദൂർ

"ദേ..., അവനുംണ്ട്‌ നിങ്ങടെ അതേപോലെ കാക്കാപുള്ളി..." അവൾ ഒരുതരം നാണത്തോടെ അയാളോട്‌ പറഞ്ഞു.
"എവടെ?" മകനെ കവിളിൽ ഉമ്മവെക്കുന്നതിനിടയിൽ അയാൾ ചോദിച്ചു.
"അവടെന്നെ..." അവളുടെ നാണം ഇരട്ടിച്ചു.
"എവടെണ്ട്ന്നാ നിയ്യ്‌ പറയ്ണ്‌?" പിറന്നപടി നിൽക്കുന്ന മകനെ അടിമുടി നോക്കിക്കൊണ്ട്‌ അയാൾ ചോദിച്ചു.
"അത്മ്മെന്നെ...,മുട്ടകായീമെ...

" അവൾക്ക്‌ നാണംകൊണ്ട്‌ ചിരിക്കാതിരിക്കാൻ കഴിഞ്ഞില്ല.
അയാൾ രണ്ട്മസ്സ്പോലും തികയാത്ത മകന്റെ ലിംഗത്തിലേക്ക്‌ ഭയപാടോടുകൂടി നോക്കി.
ഇതുകൊണ്ടിവൻ എന്തെല്ലാം കാട്ടിക്കൂട്ടാനാണാവൊ പോവുക? തന്നെ പോലെ തന്നെയാണെങ്കിൽ...!
"ഈശ്വരാ..." അയാൾ നെഞ്ചിടിപ്പോടെ വിളിച്ചുപോയി.

വിരുന്ന്‌

സത്താർ ആദൂർ

ആദ്യം
അറിഞ്ഞില്ലെന്നു ഭാവിച്ചു
പിന്നെ
എതിർത്തെന്നു വരുത്തി
പിന്നീട്‌
സഹകരിക്കില്ലെന്നു കാണിച്ചു
അതിനുശേഷം
ആസ്വദിച്ചു കിടന്നു
നാത്തൂന്റെ മോനല്ലേ,
നന്നായിപഠിക്കുന്ന കുട്ടിയല്ലേ,
+2വിന്‌ എല്ലാവിഷയത്തിലും'
A+ വാങ്ങിയവനല്ലേ,
വിരുന്ന്‌ വന്നതല്ലേ,
പാതിരാത്രിയല്ലേ?
എന്തെങ്കിലും പറയാൻ പറ്റോ?
നാലീസം നിൽക്കാൻ വന്നതല്ലേ...?

പൊന്നാട

സത്താർ ആദൂർ

പത്താളു കാണെ
സ്റ്റേജിൽ വെച്ച്‌
നാലാളറിയുന്ന
ഏതെങ്കിലുമൊരുത്തൻ
നടുനിവർത്തി
ചുമലിലേക്കിട്ടുതന്നാൽ
അതൊന്നാന്തരം
പൊന്നാട
വിലമതിക്കാനാവാത്ത ആദരം...

അല്ലെങ്കിൽ
ഒന്നിനും തികയാത്ത
ഒരു വെറും തുണികഷ്ണം
തനി പട്ടുകോണം.

മുള്ള്‌

സത്താർ ആദൂർ

വലിച്ചെടുക്കാൻ
ഒത്തിരി പാടുപെട്ടു

കാലിനടിയിലാണെങ്കിലും
കാര്യമായിതന്നെ
കയറിപ്പോയിരുന്നു

അത്രയ്ക്ക്‌
ആഴത്തിലേക്ക്‌...

എന്ത്‌ കണ്ടിട്ടാണാവൊ?

അണ്ണൻ

സത്താർ ആദൂർ

ചാണകം
വാരലും അഴിച്ച്കെട്ടലും
കഴുകളും പുല്ലരിഞ്ഞ്കൊണ്ട്‌ വരലും
ഒക്കെ അങ്ങേര്‌ ചെയ്യും
തമിഴനണ്ണൻ

നാട്ടിലേക്ക്‌ പോയാൽപോലും
പൈറ്റ്‌ ദിവസം തന്നെ
തിരിച്ചെത്തുകയും ചെയ്യും

പകരം
പുലർച്ചെക്ക്‌ അണ്ണൻ
പശുവിനെ കറക്കുമ്പോൾ
ഒന്നടുത്ത്‌ ചെന്നിരിക്കണം

മാക്സി അൽപം കയറ്റികുത്തി
കുന്തിച്ച്‌ ഒന്നുമറിയാത്തപോലെ
കുറച്ച്നേരം ആ ഇരിപ്പങ്ങനെ തുടരണം

ഇടക്കണ്ണിട്ട്‌ നോക്കി
വെള്ളമിറക്കിക്കൊണ്ട്‌ അണ്ണൻകറന്നുകൊള്ളും
ഒരുതുള്ളിപോലും ബാക്കിവെക്കാതെ...

ക്ഷീരസഹകരണ സംഘത്തിൽ
കൊണ്ടുപോയി കൊടുത്ത്‌
അണ പൈ എടുക്കാതെ
കൊണ്ടുവന്ന്‌ തരികയും ചെയ്യും

നാട്ടിൽപോകുമ്പോൾ
ഒന്നും കൊടുത്തില്ലെങ്കിൽ പോലും
അണ്ണൻ പരാതി പറയാറുമില്ല

മധുവിധു

സത്താർ ആദൂർ

നിനക്ക്‌
വായിച്ചു പഠിക്കുന്നതിലായിരുന്നു
കമ്പം;
എനിക്ക്‌
വിട്ടഭാഗം
പൂരിപ്പിക്കുന്നതിലും.

ക്വാണ്ടം

സത്താർ ആദൂർ

കാണും
തരത്തിലൊന്നൊത്തുവന്നാൽ
അല്ലെങ്കിലൊരു സേഫ്റ്റിക്ക്‌

വേലിചാടുമ്പോഴും
 ചുമ്മ ഡേറ്റിംഗ്‌ നടത്തുമ്പോഴും
കയ്യിലൊന്നെങ്കിലും കാണും
ഭദ്രമായി...

പോക്കറ്റിൽ
അല്ലെങ്കിൽ പേഴ്സിൽ
അതുമല്ലെങ്കിൽ
അവളുടെ കൂത്തിച്ചി ബാഗിൽ...

എന്നിട്ടും
എന്റോസ്കോപ്പി കഴിഞ്ഞാൽ
ഊരിയെടുത്ത്‌
ഒരൊറ്റയേറ്‌
ക്ലോസറ്റിലേക്ക്‌...

ക്ലോക്കിലെ സൂചികൾ

സത്താർ ആദൂർ

വീട്ടിൽ
അച്ഛനും
അമ്മയുമൊക്കെയുണ്ടെങ്കിലും
അവനത്ചെയ്യും

അവർ
നോക്കി നിൽക്കുകയാണെങ്കിലും
അവളതിന്‌ കിടന്നുകൊടുക്കുകയും ചെയ്യും

നേരോം
കാലോം നോക്കാതെ
രാത്രിയെന്നോ പകലെന്നോ ഇല്ലാതെ
ഈ കെട്ടിമറിച്ചിൽ
അത്ര നല്ലതൊന്നുമല്ല കേട്ടോ

സമാധാനം

സത്താർ ആദൂർ

ചതഞ്ഞരഞ്ഞ്‌
നടുറോഡിൽ
ചോരവാർന്ന്‌
ടാക്സികാറിൽ
നെഞ്ചും
മുതുകും തകർന്ന്‌
ആശുപത്രിവരാന്തയിൽ
ഇരുമ്പുകട്ടിലിൽ

കരഞ്ഞുകരഞ്ഞ്‌
അമ്മ
മൂക്കറ്റം ചുവന്ന്‌
ഭാര്യ

മിണ്ടാനാകാതെ
മക്കൾ
അരിച്ചരിച്ചകന്നു
പോകുന്ന മരണം

കൈകാലുകളിൽ
തലച്ചോറിൽ
വേദനകൊണ്ടുവന്നിടുന്നു

വന്നവരും
പോയവരും പറയുന്നതുപോലെ
"ഇന്നാലും
ഇത്രയല്ലെപറ്റിയുള്ളൂ..."

അങ്ങനെ
സമാധാനിക്കാം....

അഴയ്ക്ക

സത്താർ ആദൂർ

 മഴക്കാല
ബസ്സ്‌ യാത്രയിലെ
നോട്ടങ്ങൾ മഴത്തുള്ളികളെയും കടന്ന്‌
എത്ര പെട്ടെന്നാണ്‌ 
വീടുകൾക്കുമേലെ
പന്തലുവിരിച്ചപോലെ നിൽക്കുന്ന
ടെറസുകൾക്കുള്ളിലേക്കെത്തുന്നത്‌...
ചിറകുമുട്ടി
തൂങ്ങിയാടുന്ന വവ്വാലുകൾ
ഏതെല്ലാം നിറം
കറുത്തത്‌ 
വെളുത്തത്‌ പിന്നെ
ക്രീമും ബ്രൗണും...
ഫ്രൈം
ഇനി 'ബ്രാ'യിൽനിന്നും
ജദികളിലേക്ക്‌ തിരിക്കാം
വർണ്ണിക്കാനാവുന്നില്ല
മനം മയക്കുന്ന ഡിസൈനുകൾ...
അഴയ്ക്കകൾ
മച്ചിന്റെ മുകളിലേക്ക്തന്നെ
കയറി വരേണ്ടിയിരിക്കുന്നു
പിന്നാമ്പുറങ്ങളിൽ
ക്കിടന്നാൽ ആരുകാണാൻ...?