ഒന്ന്

 

ശ്രീജിത്ത് അരിയല്ലൂർ

ഒറ്റക്കാണ്‌ നില്‍പ്പ്,
ആരെയാണ്
കാക്കുന്നതെന്നറിയില്ല...

എങ്കിലും
പിരിഞ്ഞു പോവാന്‍
ആരുമില്ലല്ലോയെന്ന
ആശ്വാസവും
കൂടിച്ചേരാന്‍
ആരെങ്കിലും
വരുമാല്ലോയെന്നുള്ള
പ്രതീക്ഷയും മാത്രമുണ്ട്... 

രണ്ടു കവിതകൾ

 

ശ്രീജിത്ത്‌ അരിയല്ലൂര്‍

 

കെണി

അധികം
ചിറകോ വാലോ
പൂവോ കിരീടമോ ഇല്ലാത്ത
ജന്മങ്ങളാണ് സുരക്ഷിതര്‍...
കുരുവിയെപ്പോലെയോ
പന്നിയെപ്പോലെയോ
പെട്ടന്ന്
കെണിയില്‍ നിന്നും
രക്ഷപ്പെടാനാവില്ല ;
മയിലുകള്‍ക്ക്,
സിംഹങ്ങള്‍ക്ക്...!

ആത്മീയത

അമ്പലം കാണുമ്പോള്‍
എനിയ്ക്കു നല്ലതു വരുത്തണേ
എന്നു പ്രാര്‍ഥിക്കുന്നത് മാത്രമല്ല;
ചീറിപ്പായുന്ന ആമ്പുലന്‍സ് കാണുമ്പോള്‍
അതിലുള്ളവന് ആയുസ്സ് നീട്ടിക്കൊടുക്കണേ
എന്നു കൂടി പ്രാര്‍ഥിക്കുന്നതാണ്...!