കറണ്ട് എന്ന് പറഞ്ഞാല് എന്താ അച്ചാ …?
അത് ഇലട്രിസിറ്റിയാ മോനെ …
അങ്ങനെ പറഞ്ഞാലൊന്നും എനിക്കറിയില്ല … തെളിച്ച് പറഞ്ഞ് താ …
പണ്ട് പണ്ട് … അച്ച്ചനൊക്കെ ചെറുതായിരുന്ന കാലത്തുണ്ടായിരുന്ന ഒരു സാധനമാ മോനെ ഈ ഇലട്രിസിറ്റി… അത് നമുക്ക് കാണാന് കഴിയില്ല … പക്ഷെ അത് കൊണ്ട് നമുക്ക് ഒത്തിരി ഉപയോഗങ്ങള് ഉണ്ടായിരുന്നു …
എന്ത് ഉപയോഗം …?
ഇന്നത്തെ പോലെ മെഴുക് തിരിയും ചൂട്ടും കത്തിച്ചല്ല അന്നൊക്കെ വെളിച്ചം കണ്ടിരുന്നത് … പകരം “സ്വിച്ച്” എന്ന് പറയുന്ന ഒരു സാധനം അമര്ത്തിയാല് വെളിച്ചം കിട്ടുമായിരുന്നു …
ആണോ … വേറെ എന്തൊക്കെ പ്രയോജനങ്ങള് ഉണ്ടായിരുന്നു …?
മോന് തട്ടിന് പുറത്ത് ഒന്ന് കയറി നോക്ക് … ആവിടെ കൂട്ടി ഇട്ടിരിക്കുന്ന സാധനങ്ങള് എല്ലാം അന്ന് കറണ്ടില് പ്രവര്ത്തിച്ചിരുന്നതാ… ടി വി , കമ്പ്യൂട്ടര്, വാഷിംഗ് മിഷിന്, എ സി, മൊബൈല് ഫോണ് അങ്ങനെ ഒത്തിരി ഒത്തിരി …
ആ കറണ്ട് പിന്നെ എങ്ങനെയാ ഇല്ലാതായത് …?
മനുഷ്യന് വനം വെട്ടി തെളിക്കുകയും കുന്നുകള് ഇടിച്ച് നിരത്തുകയും ചെയ്തപ്പോള് മഴ ഇല്ലാതായി … അപ്പോള് സര്ക്കാര് ആണവ പദ്ധതികളിലേക്ക് തിരിഞ്ഞു … അതിനെ സമരം ചെയ്ത് പൂട്ടിച്ചു …പിന്നെ സൌരോര്ജ പദ്ധതികള് പരീക്ഷിച്ചു … സോളാര് പാനലിന്റെയും ബാറ്ററിയുടെയും വില കുതിച്ച് ഉയര്ന്നതോടെ അതും സാധാരണ ജനങ്ങള്ക്ക് അപ്രാപ്യമായി …. അങ്ങനെ കറണ്ട് എന്നന്നേക്കുമായി അവസാനിച്ചു …
ഇനി ഒരിക്കലും വരില്ലേ …?
ഇനി വരും … ലോകം അവസാനിച്ച് ഒന്ന് കൂടി പുനര്ജനിക്കണം …
ങാ … സംസാരിച്ച് നില്ക്കാന് സമയം ഇല്ല … ഷോപ്പിങ്ങിന് പോകാന് ഉള്ളതാ …നീ വേഗം റെഡി ആക് …കാള വണ്ടിയുടെ ഡ്രൈവര് ഇപ്പൊ വരും …
തിരികെ വരുമ്പോള് ചിലപ്പൊ രാത്രി ആകും … അമ്മയോട് പറ രണ്ട് കെട്ട് ചൂട്ടും തീപ്പട്ടിയും കൂടി കരുതാന് …….. !!
