നിർവചനം

 ശ്രീധരൻ എൻ ബല്ല

കണ്ണ്‌ നിന്റേതെങ്കിലും
കാഴ്ച എന്റേത്‌.
കാത്‌ നിന്റേതെങ്കിലും
കേൾവി എന്റേത്‌.
നാസിക നിന്റേതെങ്കിലും
ഗന്ധമന്റേത്‌.
രസന നിന്റേതെങ്കിലും
രുചിയെന്റേത്‌.
ത്വക്ക്‌ നിന്റേതെങ്കിലും
സ്പർശമന്റേത്‌.
അതിനാൽ
ഞാനും നീയുമെന്ന ദ്വൈതം
ഞാൻ മാത്രമെന്ന
അദ്വൈതമാകും.

കറുപ്പ്‌

ശ്രീധരൻ എൻ.ബല്ല

ചുകപ്പെൻ കൈകളരിഞ്ഞുപ്പിലിട്ടു
മഞ്ഞയെൻ കാലുകൾ എറിഞ്ഞുടച്ചു
പച്ചയെൻ കർണപുടം പറിച്ചെടുത്തു
കുങ്കുമം എന്റെ നാവരിഞ്ഞെടുത്തു
നീലയെൻ വായ്മൂടി കരിന്തുണികെട്ടി.
അന്നേരം പച്ചയ്ക്കും കുങ്കുമനിറത്തിനുമിടയിലെ
വെള്ളവന്നൊരു സ്വകാര്യം പറഞ്ഞു...
ഇനി ഞാൻ നിന്നെ പുതയ്ക്കാം!