ഷൈൻ ടി.തങ്കൻ
എന്നെ നീ ശപിക്കരുത്
ശുദ്ധ ജതകനായി
മനുഷ്യ ഗണത്തില് പിറന്നതിനു
എന്നെ നീ ശപിക്കരുത്
പ്രേമമെന്ന കുരുക്കെറിഞ്ഞു
എന്നിലേക്ക് വലിച്ചു മുറുക്കി
ചുംബനങ്ങള് കൊണ്ട് നിന്നെ
ശ്വാസം മുട്ടിച്ചതിനു
എന്നെ നീ ശപിക്കരുത്
കവടികളില് ആവാഹിച്ചു
പലകയില് നിന്റെ പ്രണയത്തെ
ഉരുട്ടി കളിയ്ക്കാന് വിട്ടതിനു
എന്നെ നീ ശപിക്കരുത്
കവടി പലകയെ ചോദ്യം ചെയ്ത്
വിശ്വാസ തീയിലുരുകാന് വിടാതെ
നിന്നെയെന് നെഞ്ചോട്
ചേര്ക്കാത്തെയെന് പ്രണയത്തെ
നിന്റെ നിഷകളങ്ക ചിരിയാല്
പരിഹസിച്ചിടരുത്
നിന്റെ ചുണ്ടി കടിച്ചു തൂങ്ങി
ആര്ത്തിയോടെ നിന്റെ അരകെട്ടില്
നാണമില്ലാതെ അരിച്ചു നടന്ന എന്റെ
ആണത്തത്തെ നീ പരിഹസിച്ചിടരുത്
ചങ്ക് പറിച്ചെനിക്കേകിയ നിന്റെ
പ്രണയത്തെ പലകയില് കല്ലുരുട്ടി
ഭാവിയെ തെളിയിക്കുന്നവന്
കശക്കി കറക്കാന് കൊടുത്തതിനു
എന്നെ നീ ശപിക്കരുത്
പുഴയെ ഗര്ഭം കൊണ്ട കണ്ണുകളെ മറച്ചു
എന്നോട് കരയുരുതെന്നു പറയുമ്പോളും
അറിയാതെ പോലും എന്നെ ശപിക്കരുത് നീ
വീണ്ടുമൊരു ചതി കായ കൊടുക്കാന് പോകുന്നു ഞാന്
മയക്കിയെന് ചുണ്ടുകളില് കോര്ത്ത്
അവളുടെ സ്വപ്നങ്ങളെ ഊറ്റി കുടിക്കുവാന്
ശപിക്കരുത് നീയെന്നെ അപ്പോഴും
