കൊതുമ്പ്

സോണ ജി
കുടുമ്പത്തിന്റെ കൊമ്പിൽ നിന്ന്‌
കൊതുമ്പുകൾ അടർന്നു വീണു.
ഒരു കുട്ടി  കൗതുകത്തോടെ  കൂട്ടി വെച്ചു അത്.
യാത്ര കഴിഞ്ഞെത്തിയ
അച്ഛന്റെഉറക്കത്തിന്‌
തീ പടർത്തിയത്
ആ കൊതുമ്പുകൾ ആയിരുന്നു.

കാത്തിരിപ്പ്

സോണ ജി

കാലത്തിന്റെ
കണ്ണാടിയില്‍
മുഖം നോക്കാന്‍
എത്തിയതാണ്
ഇന്നലെ പറ്റിയ പൊടികള്‍
ഇന്നും അങ്ങനെ തന്നെ
ജലത്താല്‍ കഴുകി
അധരം കൊണ്ട്  മൊഴിഞ്ഞു
പകലാനയുടെ
മുതുകില്‍ കയറി
ജീവന്റെ വഴിയിലൂടെ
സഞ്ചരിപ്പാൻ
തുള വീണ സത്യത്തിന്റെ
കൈത്താങ്ങ് വേണം .
ഇതെന്റെ രണ്ടാം കാത്തിരിപ്പ് .

പ്രേമ രഹസ്യം

വില്ല്യം ബ്ലേക്ക്

(വില്യം ബ്ലേക്ക്‌ )

പരിഭാഷ: സോണ ജി

നിന്നോട്‌
പ്രണയം പറയാൻ
തിരയില്ല ഒരിക്കലും
പറഞ്ഞു തരാൻ
പറ്റാത്ത വികാരമാണ്‌ പ്രണയം
ഇളം കാറ്റ്‌
പതുങ്ങിയും
ശാന്തമായും ഒഴുകുന്നുണ്ട്‌...
പ്രേമത്തിനോട്‌
ഞാൻ സംസാരിച്ചിട്ടുണ്ട്‌
ദാരുണമായ ഭയങ്ങൾ
തണുപ്പിൽ കിടുകിടുക്കുമ്പോൾ
എന്റെ ഹൃദയം കൊണ്ട്‌
അവളോട്‌ മന്ത്രിച്ചിട്ടുണ്ട്‌
ഓ! അവൾ മറഞ്ഞെന്നോ!
എത്ര പെട്ടെന്നാണ്‌
അവൾ എന്നിൽ നിന്ന്‌ അകന്നത്‌
മറവിൽ
നിശബ്ദനായി ഒരു സഞ്ചാരി വന്നു.
ദീർഘനിശ്വാസത്തോടെ
അയാൾ അവളെ വാരിപ്പുണർന്നു.