മുതിരപ്പുഴതീര മഹേശ്വരൻ

പ്രഫുല്ലൻ തൃപ്പൂണിത്തുറ

ദേവൻ പരമേശ്വരൻ മഹാദേവൻ
മുതിരപ്പുഴ തീരത്തെ മഹേശ്വരൻ
ഗ്രാമസംരക്ഷകൻ സംഹാരദേവോത്തമൻ
തരും നമ്മൾക്കു സംപൂർണ്ണ സംരക്ഷകൾ
കേൾക്കാം വാദ്യഘോഷം ജലപാതത്രയത്തിൻ
ഗംഗാപ്രവാഹ സംഗീതശിഞ്ചിതങ്ങൾ
പശ്ചിമഘട്ട ഗിരിനിരതൻ തണൽ
സാനുവിൻ മഞ്ഞാർന്ന ശാലീനഭംഗികൾ
നേരാം നമുക്കുധാര, മ്യത്യുജ്ഞയങ്ങൾ
കൊളുത്താം തിരി ചങ്കിലെചിരാതിങ്കൽ
അരുകിൽ പാറമേൽ, ചെമ്പകത്തിൻ
പൂക്കളാലർച്ചന കൂവളത്തിലകളാൽ
ഓർക്കാം പർവ്വതപുത്രിയെ യാർദ്രയിൽ
കാർത്ത്യായനീ പൂജയാലാതിരയിൽ
ദേവൻ പരമേശ്വരൻ മഹാദേവൻ
മുതിരപ്പുഴ തീരത്തെ മഹേശ്വരൻ
ഗ്രാമസംരക്ഷകൻ സംഹാരദേവോത്തമൻ
തരും നമ്മൾക്കു സംപൂർണ്ണ സംരക്ഷകൾ
(* മൂന്നാറിനടുത്ത്‌ എല്ലക്കൽ കൈലാസനാഥ മഹാക്ഷേത്രം)